Էլագիտանինների էքստրակցիա նռից
- Էլագիտանինները ծերացմանը հակազդող ուրոլիթին A միացության նախանյութն են․ աղիքային միկրոբիոմը էլագիտանինները փոխակերպում է այս միացության։
- Ուլտրաձայնային էքստրակցիան նպաստում է մրգերի և բուսական բջիջներից էլագիտանինների ազատմանը՝ էլագիտանինների բարձր խտությամբ հավելումներ և դեղագործական պատրաստուկներ արտադրելու համար։
Էլագիտանիններ – ուրոլիթին A միացության նախանյութը
Ուրոլիթին A միացությունը վերջերս մեծ ուշադրության է արժանացել, քանի որ մարդկանց մասնակցությամբ փորձարկումները հաստատել են դրա դրական ազդեցությունը առողջության և երկարակեցության վրա։ Ուրոլիթին A միացությունն արտադրվում է աղիքային միկրոֆլորայի կողմից՝ նռան մեջ պարունակվող միացությունները, օրինակ՝ էլագիտանիններն ու պունիկալագինները, ընդունելուց հետո։ Ուրոլիթին A միացությունը խթանում է միտոֆագիան և դրանով օգնում վերամշակել թերի միտոքոնդրիումները։ Քանի որ տարիքի հետ միտոքոնդրիումների և բջիջների առողջական վիճակը վատթարանում է, էլագիտանինների կիրառումը կարող է դառնալ տարիքային խանգարումների դեմ հնարավոր նոր բուժական միջոց։ Օգտակար ազդեցությունները դիտվել են C.elegans օրգանիզմում, կաթնասունների բջիջներում և կրծողների մոտ, և հաջողությամբ կլինիկական փորձարկում է կատարվել մարդկանց մասնակցությամբ։ Ծերացմանը հակազդող ազդեցություններից բացի, էլագիտանինները առողջության համար բարձր գնահատվող նյութեր են՝ իրենց հակաբորբոքային և հակաքաղցկեղային ազդեցությունների շնորհիվ։
Էլագիտանինների ուլտրաձայնային էքստրակցիա
Սննդամթերքի ուլտրաձայնի օժանդակությամբ էքստրակցիան (UAE) զգալի հետաքրքրություն է առաջացրել, քանի որ այն համեմատաբար քիչ ծախսատար է։ Այն հաղթահարում է լուծիչներով ավանդական էքստրակցիայի թերությունները և միաժամանակ ժամանակի նույն միավորի ընթացքում ապահովում է ավելի մեծ քանակությամբ էքստրակտներ՝ օգտագործելով սննդային կիրառության համար պիտանի լուծիչի ավելի փոքր քանակություններ կամ պարզապես ջուր։ Ուլտրաձայնը կարող է մեխանիկորեն քայքայել բջջապատերը՝ դուրս բերելով ներբջջային հեղուկները։ Բարձր հզորության, ցածր հաճախականության ուլտրաձայնային ալիքներն ազդում են հեղուկ միջավայրի՝ մասնավորապես լուծիչի, մոլեկուլների վրա՝ հերթագայելով լուծիչի մոլեկուլների սեղմման և նոսրացման պահերը։ Սեղմման և ընդարձակման այս կրկնվող ցիկլերը հանգեցնում են խոռոչների կամ օդային պղպջակների առաջացմանը, որոնք աստիճանաբար մեծանում են մինչև ներս ուղղված փլուզումը՝ առաջացնելով կավիտացիայի երևույթը։ UAE մեթոդը կարող է կիրառվել սննդային էքստրակցիայի արդյունաբերության մեջ ինչպես փոքր, այնպես էլ մեծ մասշտաբով։
Նռները հարուստ են էլագիտանիններով։
Ամբողջական սպեկտրով էքստրակտներ
Ուլտրաձայնային էքստրակցիան բուսական բջիջներից ազատում է սննդանյութերի ամբողջական սպեկտրը։ Նռան էքստրակցիայի դեպքում ուլտրաձայնային մշակումը օգնում է առանձնացնել էլագիտանիններ, էլագաթթուներ, pomegranatate, պունիկանոլաթթու (եթերայուղերում հանդիպող տրիտերպենների տեսակ) և բազմաթիվ այլ հակաօքսիդանտներ, վիտամիններ ու պոլիֆենոլներ։ Ամբողջական սպեկտրով էքստրակտները հայտնի են իրենց գերազանց ազդեցություններով՝ այսպես կոչված ուղեկցող ազդեցության շնորհիվ։ Ուղեկցող ազդեցությունը սահմանվում է որպես բույսում տարբեր սննդանյութերի սիներգիկ փոխազդեցություն, որը բարելավում է կենսամատչելիությունը և ապահովում առողջության համար ամենաարդյունավետ օգուտները։
Ուլտրաձայնային պրոցեսորներ էքստրակցիայի համար
Hielscher Ultrasonics ընկերությունը մասնագիտացած է խմբաքանակային և անընդհատ հոսքով գործընթացների համար բարձր արտադրողականությամբ ուլտրաձայնային էքստրակցիայի սարքավորումների արտադրության մեջ։ Սեղանի և փորձնական մասշտաբներից մինչև արդյունաբերական մասշտաբի ուլտրաձայնային պրոցեսորները հասանելի են և կարող են հեշտությամբ հարմարեցվել ձեր գործընթացի հատուկ պահանջներին։
բարձր ինտենսիվության ուլտրաձայն՝ կենսաակտիվ բաղադրիչների արդյունավետ էքստրակցիայի և առանձնացման համար (օրինակ՝ կվերցետին, կոֆեին, կուրկումին, տերպեններ և այլն)։ Հզորության հետևյալ միջակայքի բոլոր ուլտրաձայնային սարքերը՝ 200W – 16 000W , ունեն գունավոր էկրան՝ թվային կառավարման համար, ներկառուցված SD քարտ՝ տվյալների ավտոմատ գրանցման համար, զննարկչով հեռակառավարման հնարավորություն և օգտագործման համար հարմար բազմաթիվ այլ գործառույթներ։ Սոնոտրոդներն ու հոսքային բջիջները (միջավայրի հետ շփվող մասերը) կարող են ավտոկլավացվել և հեշտ են մաքրվում։ Մեր բոլոր ուլտրաձայնային սարքերը նախատեսված են 24/7 աշխատանքի համար, պահանջում են քիչ սպասարկում, և դրանց շահագործումը հեշտ ու անվտանգ է։
Մեր հաճախորդները գնահատում են մեր ուլտրաձայնային համակարգերի ամրությունն ու հուսալիությունը։ Ներկառուցված SD քարտի վրա տվյալների ավտոմատ գրանցումը հնարավորություն է տալիս ճշգրիտ վերահսկել գործընթացը, ապահովել կրկնելիությունը և պահպանել արտադրանքի մշտապես բարձր չափանիշը՝ Պատշաճ արտադրական գործելակերպին համապատասխան։
Ստորև բերված աղյուսակը պատկերացում է տալիս մեր ուլտրաձայնային սարքերի մշակման մոտավոր կարողության մասին․
| Խմբաքանակի ծավալ | Հոսքի ծավալային արագություն | Առաջարկվող սարքեր |
|---|---|---|
| 1 – 500mL | 10 – 200mL/min | UP100H |
| 10 – 2000mL | 20 – 400mL/min | UP200Ht, UP400St |
| 0,1 – 20L | 0,2 – 4L/min | UIP2000hdT |
| 10 – 100L | 2 – 10L/min | UIP4000hdT |
| n.a. | 10 – 100L/min | UIP16000 |
| n.a. | ավելի մեծ | հետևյալ սարքերից կազմված խումբ՝ UIP16000 |
Կապվե՛ք մեզ հետ։ / Հարցրե՛ք մեզ։
Բարձր հզորության ուլտրաձայնային պրոցեսորներ՝ լաբորատորից մինչև փորձնական և արդյունաբերական մասշտաբներ։
Գրականություն/հղումներ
- Andreux, P.A.; Blanco-Bose, W.; Ryu, D.; Burdet, F.; Ibberson, M.; Aebischer, P.; Auwerx, J.; Singh, A.; Rinsch, C. (2019): Միտոֆագիայի ակտիվացուցիչ ուրոլիթին A միացությունն անվտանգ է և մարդկանց մոտ առաջացնում է միտոքոնդրիումների ու բջիջների բարելավված առողջական վիճակի մոլեկուլային ստորագրություն։ Nature Metabolism 1, 2019. 595–603.
- Boggia, R.; Turrini, F.; Villa, C.; Lacapra, C.; Zunin, P.; Parodi, B. (2016): Էկոլոգիապես բարենպաստ էքստրակցիա նռան քամվածքից՝ ֆունկցիոնալ սննդամթերքի և կոսմետիկայի արտադրության համար։ Pharmaceuticals 9 / 63, 2016.
- Wu S.; Tian L. (2017): Բազմազան ֆիտոքիմիական միացություններ և կենսաակտիվություններ հնագույն մրգի և ժամանակակից ֆունկցիոնալ սննդամթերքի՝ նռան մեջ (Punica granatum)։ Molecules 22(10), 2017. 1606.
Արժե իմանալ
Էլագիտանիններ
Էլագիտանինները հիդրոլիզվող տանինների բազմազան դաս են՝ պոլիֆենոլների տեսակ, որը հիմնականում ձևավորվում է 1,2,3,4,6-պենտագալոիլ գլյուկոզում գալոիլային խմբերի օքսիդատիվ կապակցմամբ։ Էլագիտանիններն ու էլագաթթուն պոլիֆենոլներ են, որոնք առկա են որոշ մրգերում, ընկուզեղենում և սերմերում, օրինակ՝ նռներում, սև ազնվամորիներում, մոշերում, ազնվամորիներում, ելակներում, ընկույզներում և նուշում։ Էլագաթթուները հարակից պոլիֆենոլներ են, որոնք հանդիպում են ընկույզներում, պեկանում, լոռամրգում, ազնվամորիներում, ելակներում, խաղողում, դեղձերում և նռներում, ինչպես նաև կաղնու տեսակներում, օրինակ՝ հյուսիսամերիկյան սպիտակ կաղնու (Quercus alba), եվրոպական կարմիր կաղնու (Quercus robur) մեջ և Phellinus linteus բուժական սնկում։
Ուրոլիթինները էլագիտանիններից առաջացող աղիքային մանրէային մետաբոլիտներ են։ Ուրոլիթին A միացությունը վերջերս մեծ ուշադրության է արժանացել, քանի որ հետազոտողները ցույց են տվել դրա բացառիկ օգուտները միտոքոնդրիումների առողջության համար։
Էլագաթթվի և ուրոլիթինների հակապրոլիֆերատիվ և ապոպտոզ խթանող ակտիվությունները ցուցադրվել են քաղցկեղային բջիջների աճի արգելակմամբ։
Էլագիտանինները և դրանց աղբյուրները՝ Castalagin (կաղնի, շագանակենու փայտ), Castalin (կաղնու փայտ, punk tree ծառի տերևներ), Casuarictin (Casuarina և Stachyurus ցեղերի տեսակներ), Crandinin (punk tree ծառի տերևներ), Peduncalagin (ընկույզներ), Punicalagin (նուռ), Punicalin (նուռ), Roburin A (կաղնու փայտ), Tellimagrandin II (մեխակ, ասիական օրհնված խոտ), Terflavin B (սև չեբուլիկ, հնդկական նուշ), Vescalagin (կաղնի, շագանակենու փայտ)։
Նռան էլագիտանիններից առաջացող մետաբոլիտներ։ (A) Պունիկալագինը (նռան էլագիտանին) հիդրոլիզվում է մինչև հեքսահիդրօքսիդիֆենաթթու, որը լակտոնացվում է՝ առաջացնելով էլագաթթու․ (B) ներկայացուցչական ուրոլիթինների՝ էլագաթթվի միկրոֆլորային փոխակերպման արգասիքների քիմիական կառուցվածքները։ [Wu; Tian: 2017]
Միտոքոնդրիումներ
Միտոքոնդրիումը (հոգնակի՝ միտոքոնդրիումներ) կրկնակի թաղանթով սահմանափակված օրգանոիդ է, որը հանդիպում է էուկարիոտ օրգանիզմների մեծ մասում։ Միտոքոնդրիումները բջիջների այսպես կոչված էլեկտրակայաններն են և կատարում են մի շարք կենսական գործառույթներ՝ արտադրելով բջջի ադենոզինեռֆոսֆատի (ATP) պաշարի հիմնական մասը, որն օգտագործվում է որպես քիմիական էներգիա։ Միտոքոնդրիալ շնչառությունը թթվածին պահանջող նյութափոխանակային ռեակցիաների և գործընթացների ամբողջությունն է, որն ընթանում է միտոքոնդրիումներում՝ մակրոսննդանյութերում կուտակված էներգիան ադենոզինեռֆոսֆատի (ATP)՝ բջջում էներգիայի համընդհանուր դոնորի, փոխակերպելու համար։ Միտոքոնդրիումի մակրոմոլեկուլները, ներառյալ շնչառական շղթայի համալիրները, ենթակա են բորբոքումն ուղեկցող օքսիդատիվ վնասման։ Ցույց է տրվել, որ նռան էլագիտանիններն ու ուրոլիթինները խթանում են միտոֆագիան (ապոպտոզը)՝ վնասված միտոքոնդրիումները հեռացնելու համար, որպեսզի դրանք հնարավոր լինի փոխարինել առողջ օրգանոիդներով։