UP200Ht – Ձեռքում պահվող ուլտրաձայնային հոմոգենիզատոր
Ձեռքում պահվող UP200Ht (200W, 26kHz) հոմոգենիզատորը պատկանում է Hielscher ընկերության 200 վատտ հզորությամբ ուլտրաձայնային հոմոգենիզատորների թվային սարքերի շարքին, որոնք համալրված են նոր պարագաների լայն տեսականիով։ Նոր հնարավորությունները ներառում են թվային կառավարում և սենսորային էկրան, տվյալների ավտոմատ գրանցում, ինտուիտիվ շահագործում, ինչպես նաև էրգոնոմիկ ու բարեձև կառուցվածք՝ օգտագործման առավելագույն դյուրինությունն ու աշխատանքի հարմարավետությունն ապահովելու համար։
Սարքի գործառույթներն ու զանազան պարագաները հնարավորություն են տալիս այն կիրառել տարբեր նպատակներով և ընդգրկել պարամետրերի համակցությունների շատ լայն տիրույթ։ Այս հզոր ուլտրաձայնային սարքի բնորոշ կիրառություններն են՝ հոմոգենացումը, դիսպերսումը, էմուլգացումը, դեզինտեգրումը, բջիջների քայքայումը, գազազերծումը կամ սոնոքիմիան։ Hielscher ընկերությունը մշակել է այս գերժամանակակից 200W հզորությամբ շարժական հոմոգենիզատորը՝ օգտագործողին տրամադրելու բարձր ճկունություն, օգտագործման դյուրինություն և ճշգրտության ու վերահսկման նոր մակարդակ։
UP200Ht ուլտրաձայնային խառնիչը լայնորեն կիրառվում է հետազոտական լաբորատորիաներում, որակի վերլուծության, ինչպես նաև էքստրակտների արտադրության և խոհարարական նպատակներով։
Իր նախորդների՝ UP200H և UP200S մոդելների համեմատ՝ նոր UP200Ht ուլտրաձայնային սարքն ունի բազմաթիվ լրացուցիչ գործառույթներ և օգտագործումը դյուրացնող շատ խելացի լուծումներ։ Իր 200 վատտ հզորությամբ UP200Ht սարքն ապահովում է նույն արդյունավետությունն ու հուսալիությունը, ինչ UP200H և UP200S մոդելները, սակայն առանձնանում է լիովին նոր կառուցվածքով, որն ավելի հարմար է ինչպես ձեռքում պահած, այնպես էլ հենակալի վրա տեղադրած օգտագործման համար։ Պարամետրերի համակցությունների լայն ընդգրկման շնորհիվ (ամպլիտուդի, ճնշման, ջերմաստիճանի, հոսքային խցի, ապակե սոնոտրոդի և այլնի փոփոխմամբ) UP200Ht սարքն ընդգրկում է կիրառությունների ամբողջ տիրույթը՝ հոմոգենացում, էմուլգացում, դիսպերսում, դեզինտեգրում, բջիջների քայքայում և էքստրակցիա, գազազերծում, ինչպես նաև սոնոքիմիական ու սոնոկատալիտիկ գործընթացներ՝ փոքր և միջին ծավալների համար։
UP200Ht սարքը 200 վատտ հզորությամբ հզոր և հուսալի ուլտրաձայնային հոմոգենիզատոր է՝ ձեռքում պահած և հենակալի վրա տեղադրած օգտագործման համար։
Սովորաբար UP200Ht սարքն օգտագործվում է 0,1-ից մինչև 1000mL ծավալով նմուշների ուլտրաձայնային մշակման համար։ Hielscher ընկերությունն առաջարկում է ծայրամասի 1-ից մինչև 40mm տրամագծով տարբեր սոնոտրոդներ։ Մինչ 40mm սոնոտրոդը սահուն կերպով փոխանցում է ուլտրաձայնը համեմատաբար մեծ մակերեսով, ծայրամասի ավելի փոքր տրամագծով սոնոտրոդներն աշխատում են ավելի բարձր ամպլիտուդներով և ավելի բարձր ինտենսիվությամբ, օրինակ՝ քայքայման նպատակով կիրառությունների համար։ UP200Ht սարքը կարող է օգտագործվել նաև ավելի փոքր քանակությունների արտադրության համար՝ հիմնականում անընդհատ հոսքով, հոսքային խցերի և համապատասխան սոնոտրոդների կիրառմամբ։ FC7K հոսքային խցի հետ համակցված՝ նյութը կարելի է ուլտրաձայնով մշակել անընդհատ միջանցիկ հոսքի ռեժիմում, օրինակ՝ րոպեում 20-ից մինչև 200mL հոսքի ծավալային արագությամբ։ Չժանգոտվող պողպատից հոսքային խցում կարելի է ստեղծել մինչև 5 barg ճնշում։ Դրա շնորհիվ անընդհատ ուլտրաձայնային մշակման գործընթացները կարելի է մոդելավորել ամենափոքր մասշտաբով։ Իր հուսալիության և IP41 պաշտպանության աստիճանի շնորհիվ UP200Ht սարքը կարող է աշխատել օրական 24 ժամ (24h/7d)՝ հնարավորություն տալով մշակել օրական մինչև 180L (կախված կիրառությունից)։
Օգտագործում՝ ձեռքում պահած կամ հենակալի վրա տեղադրած
UP200Ht ուլտրաձայնային լաբորատոր սարքի բազմակողմանիությունն արտահայտվում է ոչ միայն տարբեր կիրառությունների համար դրա պիտանիությամբ, այլև օգտագործման ճկունությամբ։ Կախված կիրառությունից, մշակման միջավայրից և ուլտրաձայնային մշակման տևողությունից՝ օգտագործողը որոշում է՝ UP200Ht ուլտրաձայնային սարքն օգտագործել ձեռքում պահած, թե հենակալի վրա տեղադրած։
Կառավարման ժամանակակից միջերես
Թվային սենսորային էկրանը, դիտարկչի միջոցով հեռակառավարումը և այլ խելացի հնարավորություններ UP200Ht ուլտրաձայնային սարքը դարձնում են նորարարական և օգտագործման համար դյուրին սարք, որն ապահովում է օգտագործողի առավելագույն հարմարավետություն, ճշգրիտ կառավարելիություն և տվյալների արձանագրում։ Այս խելացի հնարավորությունների շնորհիվ Hielscher ուլտրաձայնային սարքերը հատկապես հարմար են ուլտրաձայնային մշակման կրկնելի և վերարտադրելի արդյունքներ ստանալու համար։
Լիագույն սենսորային էկրան
Շահագործման տեսանկյունից մեծ բարելավում է գունավոր սենսորային էկրանը։ UP200Ht սարքի՝ հպմանն ու ստիլուսին արձագանքող էկրանը երաշխավորում է հեշտ օգտագործում, աշխատանքային պարամետրի ճշգրիտ կարգավորում և ուլտրաձայնային հզորության կարգավորման ցուցադրում՝ զուգակցված օպերատորի առավելագույն հարմարավետության հետ։ Թվային կառավարման ընտրացանկի օգտագործումն ինտուիտիվ է, քանի որ այն սահմանափակված է հիմնական կարգավորումներով։ Ամպլիտուդի/հզորության կարգավորումը և իմպուլսային ռեժիմը կարելի է կարգաբերել գունավոր սենսորային սահիչով (1%, 5% կամ 10% քայլով)։ Օգտագործողն ընտրում է՝ ամպլիտուդն ու հզորությունը ցուցադրել գունավոր սյունակային գծապատկերի, թե թվային տեսքով։ ՄԵԾ ԹՎԵՐ ցուցադրման ռեժիմում ցուցադրվող տվյալները սահմանափակվում են կարևորագույն տեղեկություններով, իսկ տեսանելիությունը բարելավելու համար կիրառվում են ավելի բարձր հակադրություն և ավելի մեծ տառաչափեր։
Հեռակառավարում դիտարկչի միջոցով
Նոր LAN վեբ միջերեսի միջոցով UP200Ht սարքը կարելի է կառավարել ցանկացած տարածված դիտարկչով, օրինակ՝ Internet Explorer, Safari, Firefox, Mozilla, բջջային IE/Safari։ LAN միացումը շատ պարզ է՝ «միացրու և աշխատիր» սկզբունքով, և ծրագրային ապահովման տեղադրում չի պահանջում։ Ուլտրաձայնային սարքը գործում է որպես DHCP սերվեր/հաճախորդ և ավտոմատ կերպով հարցում է ուղարկում IP հասցե ստանալու համար կամ տրամադրում է այն։ Սարքը կարելի է շահագործել անմիջապես PC/MAC համակարգչից կամ կոմուտատորի կամ երթուղիչի միջոցով։ Լրացուցիչ հասանելի՝ նախապես կարգավորված անլար երթուղիչի կիրառմամբ սարքը կարելի է կառավարել սմարթֆոնների կամ պլանշետային համակարգիչների մեծ մասից, օրինակ՝ Apple iPad պլանշետից։ Միացված երթուղիչի պորտերի վերահասցեավորումն օգտագործելով՝ կարող եք ձեր UP200Ht սարքն ինտերնետով կառավարել աշխարհի ցանկացած վայրից՝ ձեր սմարթֆոնը ծառայեցնելով որպես հեռակառավարման վահանակ։
FC7KG ուլտրաձայնային հոսքային խուց՝ S26d7D սոնոտրոդի մոտ, հոսքագծում ուլտրաձայնային մշակման համար
Ներկառուցված ցանց
UP200Ht սարքի մեկ այլ խելացի հնարավորություն է LAN ցանցի (տեղային ցանց, տե՛ս աջ կողմի շրջանակը) միջոցով շահագործումն ու կառավարումը, ինչը հեշտացնում է շահագործումը և ապահովում մշակման բարձր ճկունություն։ Ուլտրաձայնային մշակման գործընթացի ամբողջ տեղեկատվությունն ավտոմատ կերպով գրանցվում է SD տվյալների քարտի վրա։ Ներկառուցված տվիչն անընդհատ չափում է ջերմաստիճանը, իսկ երկու վառ LED լուսարձակներ լուսավորում են ուլտրաձայնով մշակվող նմուշը։
Հաճախականության ավտոմատ կարգաբերում
Ինչպես Hielscher ընկերության բոլոր ուլտրաձայնային սարքերը, UP200Ht սարքը նույնպես համալրված է հաճախականության խելացի ավտոմատ կարգաբերմամբ։ Երբ սարքը միացվում է, գեներատորը որոշում է օպտիմալ աշխատանքային հաճախականությունը։ Այնուհետև այն գործարկում է սարքն այդ հաճախականությամբ։ Դա բարելավում է մեր ուլտրաձայնային սարքերի ընդհանուր էներգաարդյունավետությունն ու հուսալիությունը։ Ձեզ մնում է միայն միացնել համակարգը։ Գեներատորը վայրկյանի մի մասի ընթացքում ավտոմատ կերպով կկարգաբերի հաճախականությունը
UP200Ht ուլտրաձայնային սարքի համար նախատեսված տարբեր սոնոտրոդները (զոնդեր, եղջյուրաձև փոխակերպիչներ), հոսքային խցերը և այլ պարագաները հնարավորություն են տալիս ստանալ ուլտրաձայնային համակարգի օպտիմալ կազմաձև։
UP200Ht ուլտրաձայնային սարք՝ 2mm չափով S26d2 միկրոծայրակալով, փոքր նմուշների ուլտրաձայնային մշակման համար։
UP200Ht ուլտրաձայնային պրոցեսորը հետազոտության և գիտության մեջ
UP200Ht սարքը լայն տարածում ունեցող ուլտրաձայնային լաբորատոր հոմոգենիզատոր է, որը հաճախ օգտագործվում է հետազոտական լաբորատորիաներում և հետազոտությունների ու մշակումների կենտրոններում։ Ստորև կարող եք գտնել գիտական հոդվածների ընտրանի, որոնցում ներկայացված է UP200Ht ուլտրաձայնային պրոցեսորը։ Հոդվածներն ընդգրկում են թեմաներ՝ ուլտրաձայնային էքստրակցիայից և ախտահանումից մինչև նանոդիսպերսիաներ և նանոմասնիկների ֆունկցիոնալացում։ Եթե փնտրում եք կոնկրետ կիրառություն և դրան առնչվող գիտական հղումներ, խնդրում ենք կապվել մեզ հետ։
- FactSheet UP200Ht — Ultrasonic Lab Homogenizer with 200 Watts Ultrasound Power
- Elif Begum Elcioglu, S.M. Sohel Murshed (2021): Ultrasonically tuned surface tension and nano-film formation of aqueous ZnO nanofluids. Ultrasonics Sonochemistry, Volume 72. 2021.
- Ádám, Adél A., Márton Szabados, Gábor Varga, Ádám Papp, Katalin Musza, Zoltán Kónya, Ákos Kukovecz, Pál Sipos, István Pálinkó (2020): Ultrasound-Assisted Hydrazine Reduction Method for the Preparation of Nickel Nanoparticles, Physicochemical Characterization and Catalytic Application in Suzuki-Miyaura Cross-Coupling Reaction. Nanomaterials 10, No. 4, 2020: 632.
- Djenni, Z., Pingret, D., Mason, T.J. et al. (2013): Sono–Soxhlet: In Situ Ultrasound-Assisted Extraction of Food Products. Food Anal. Methods 6, 1229–1233 (2013).
- Fathy, M., Abdel Moghny, T., Awad Allah, A.E. et al. (2014): Cation exchange resin nanocomposites based on multi-walled carbon nanotubes. Appl Nanosci 4, 2014. 103–112.
- Svendsen, E, Dahle, SW, Hagemann, A, Birkevold, J, Delacroix, S, Andersen, AB. (2018): Effect of ultrasonic cavitation on small and large organisms for water disinfection during fish transport. Aquac Res. 2018; 49: 1166– 1175.